Sponsors

وأهـــــي دوخـــــــــه ..

دوخيــــني يا لمونـــــه

دوخيني يا لمونه		يا لمونه دوخيني
أصلك دنيا صحيح ملعونه		دايما تعوي وتبكيني
والعالم فيكي المجنونه
بتهبِّل وتقول سامحونه
	******
الدنيا دايره بدون حل
والمبدأ ما خلاص إنحل
دي حلاوه وبطعم الخل
والناشف عمره ما ينبل
عشان الميه المسجونه		ودوخيني يا لمونه
	******
يا خلايق محتاج نفسين
دنا بانهج م العمر سنين
والعالم بقى عالم طين
مش واحد قول كده ملايين
والضحكه خدوها وحرمونا		ودوخيني يا لمونه
	******
لا ينفع فيكو الإحسان
ولا ح ترجى زي زمان
ولسانكم عمره ما ينصان
فرقله وسليط وجبان
وبيلهط ويقول حاسبونا		ودوخيني يا لمونه
	******

وسلام ع الناس الهفتانه
واهي ماشيه بتجري وهلكانه
دي لمونه في بلد قرفانه
محتاجه لحسه وعدمانه
وتلملم وتقول أكلونا		ودوخيني يا لمونه
	******

نفسي غمت عليه ..

الصفحة السابقة - الفهرس - الصفحة القادمة

إجعل مشاكسة صفحة البداية

مشاكسة فى الصفحات المفضلة

For best view use Microsoft Explorer™ 4+

( 800 x 600 )

Powerd By DOT IT