سألوني أهل الأيامى قول يا بو العُريف
 

رأي بصراحه وراحه بدون تخويف
 

عن كلمه حايصه ولايصه بين الناس قالوها
 

مفهومها مش حِلو .. دايما يشتموا بيها
 

أنا قلت إيه هيه تعالوا نفتح القواميس
 

نشوف معاني أغاني وحكمه للتدريس
 

قالوا دي كلمه قبيحه معناها زي الطين
 

نسمعها وسط القهاوي الكلمه .. يا لايصين
 

قلت صاحبنا يا عالم عمره ما كان جرار
 

دي كلمه يتدَّارى فيها والحياه أسرار
 

ده أصله خِسّه وندل كبير مالوش كلمه
 

يعيش لنفسه ودايما مُحدِس النعمه
 

يلحس كلامه ويتمسّح في كل خسيس
 

جلابيه لابس قميص كُله بدون تأسيس
 

بيعلا ع الغلبانين .. ويوطي للطراطير
 

في الهبر شغال ومِدَّروش .. وشكله زير
 

كلامه تسمع حلاوه شعر بالتحابيش
 

لأسياده آخر أدب وطعامه ما تقوليش
 

من تحت يلسع ويضرب ويجري ويعيَّط
 

ويسبقك يشتكي يقرص ويتزبط
 

بالله وبذمتك ح تقولّي عنه إيه
 

ده زباله عمره ما ينفع حتى أبصر إيه
 

وخساره أفتح قاموس أبحث عن المعنى
 

لأنه صُرصَار مجاري لا منظر ولا معنى
 

لكـن أصـلي مغلـول من هـذا العـالم

وح أفـرقـع …