يا حلاوتك تعاليلي يا بطه
 

ياجمالك بين نطه ونطه
 

خشي عليه يا حلوه يا قشطه
 

حطه يا بطه يا دقن القطه
 

******

لا مؤاخذه الأيام حناتيشي
 

والعالم مليان تبكيشي
 

لو أقولك ح تقولّي مفيشي
 

أنا عارف وأنا عندي زغطه
 

******

ما تدقش أنا بس باقولك
 

ولا عاوز أعرف مين أهلك
 

لا يهمني خالك ولا عمك
 

وإبعد ما تنطِّش يا برطه
 

******

الدنيا يا روحي ما تسواشي
 

والأرض زرايبي يا مواشي
 

ومكانكم ع الخط حواشي
 

وح أقولك أهو فلفل شطه
 

******

روقني أنا والله ما فاضي
 

ولا ح أعمل على أهلك قاضي
 

روح وإبعد أنا عنك راضي
 

وكفايه تأكلني أونطه
 

******