أعذرني إذ أكتب عنوانا تتساقط فيه الأوراق ..
 

والمعنى في بطن الشاعر لا تعني كلمة أوراق ..
 

لكن   المعنى  المقصود
 

ياسيد عبد المقصود
 

هو أن  الزمن المعهود
 

أقسم بالرب المعبود
 

زمن  ما فيه  أسود

أرجوك صديقي .. لا تسألني عن أوزان ..
 

ولماذا أوزن .. والعالم قد غش الأوزان ..
 

ولماذا أبذل جهد في كلمات .. كَـلّ .. ومات
 

ولماذا أسمع للآهات .. وآه .. آت
 

وإذا جِئتُ لتصغي كي تتعلم .. سوف أُعَلِّـم
 

والناس ينادونك يوما ما .. أنت مُعَلِّم
 

وآدي إحنا نلخبط ونشخبط والدنيا بتلاعب فينا
 

تايهين يا حسره بنتخبط ودماغنا مطرح رجلينا
 

ح تقولّي علشان متشائم
 

رح أقولك يابني إبعد عني
 

لا أنا متفائل ولا متشائم
 

لا بيدي ده غصبن عني
 

الدنيا مصالح يا بو صالح
 

نتخاصم مرة ونتصارح
 

وأنا أنسى جدودي يا عبودي
 

يا مطأطأ يا خفيف يا سي دودي
 

ما خلاص .. العالم كله بقى ملايكة وإحنا الشياطين
 

إيه رأيك بقى ياسي بلالايكة ونهارك طين
 

وتعالى نقول في كلام معسول ومعسل دخنة ع الشيشة
 

والحال مقلوب غالب مغلوب ما تفوقلي شوية يا سي خيشة
 

بتقول على إيه
 

أنا عاوز إيه
 

أنا عاوزك فايق ياسي نيله
 

وح أقولك ليه
 

واعمل لك إيه
 

وحياتك خدلك تعسيله
 

بقى ده إسمه كلام
 

ياكبير يا همام
 

ح تسوق من غير البنديره
 

إسمعني أنا تهت في دنيا
 

وأنا قاصد أتوه كده بالعنيه
 

الدنيا كلونيا أو فونيه
 

ده وابور سكاتي ياكروديه
 

ح  تقول مش فاهم .. أنا عـارف
 

والعارف عمره ما بيعرف
 

طب  إسمع ..  ولو ان أنا خايف
 

لا تقولّي كبرت وبتخرف
 

دي خلاصة أيام وتجارب
 

أفلام وشتايم وشباشب
 

وحلاوه باللبن الرايب
 

لا تفرق صايب من عايب
 

الناس يا حبيبي خلاص تبكيش
 

وصداقه مصالح ود مفيش
 

والحب نظام علشان تلطيش
 

والأسره إتفكت ما تقوليش
 

ومبادئ طارت ع الكورنيش
 

وحنان يا حبيبي للتناتيش
 

ومفيش أخلاق غير الخرابيش
 

وعاوزلي في كل إشاره شاويش
 

وأهو راح وإنتهى عصر الحرافيش
 

والضلمه كتير جلبت خفافيش
 

ولا عدش سنان تمدغ قراقيش
 

وعشان كده ح نروح ما نجيش
 

أنا أصلي خلاص ح أعمل درويش
 

وح ابيع في بخور وح ابيع طرابيش
 

وح اعيش وحداني أزرع في حشيش
 

وح اربي الأرنب لجل يعيش
 

يا خساره الأرنب ما يكفيش
 

مع خلق جعانه وطالبه العيش