نقدم لكم ...

هــأ هأ هـأ هأ ... الله يخرب عقلك ياواد ياطيب ... بقــى ياواد تقدم قبل ما تكتب .. آه .. ورحمة أبويا ده اللي حصل ..

الناس كلها تخلص الكتاب وبعدين تكتب المقدمة أو تكلف واحد من العظماء إياهم يقدمه ...

لكن أنا ياحسره لا ح أقدم ولا ح أخر .. وح اجيب مين يقدمني .. لا أنا مشهور ولا معروف الإسكافي حتى .. يبقى أقدم على راحتي .. آه يا زمن اللا زمن .. آه والله .. إحنا في زمن اللا زمن .. وماتحاولش تفهم لأن أنا أصلا مش فاهم علشان أقدر أفهمك .. وبيقولوا إخوانا الكبار " فاقد الشئ لا يعطيه " .. وأنا أصلا فاقد .. يبقى ح أعطي إيه ...

بقـولكم إيـه .. تعـالوا نـقلب الصفحة ونشـوف ونطوف ..

 

أبـوس إيد سعادتك إقلب الصفحة

وبـلاش تبحـلقـلي وتـبصلي ...

 

الصفحة السابقة - الفهرس - الصفحة القادمة