يا خلق قولولي طب أعمل إيه
 

ما تقولش في إيه ولا إيه ولا إيه
 

أنا أصلي مازلت أنطح في الصخر
 

وأمشي أموري وأقول يلا
 

وأهو كله يروح وبلاش غله
 

وأ أجل مواعيد أحزاني
 

وأتناسى وأنسى إللي أذاني
 

وأديني باسدد ثمن الرفض
 

والعمر أهو ضاع ومازلت أعض
 

وما عنتش عاوز أقول رأيى
 

علشان الناس ما بتسمعشي
 

ورغيف العيش إللي أسرنا
 

أصبح مسامير وبتوجعنا
 

نشتري حرية مبادئنا
 

ونسيب الناس تنهش فينا
 

ياخدو النياشين على بلاوينا
 

ويعيشوا ببراعه رخيصه
 

على كذبة ونفاق ودسيسه
 

والأفضل لينا نشوف قهوه
 

أحسن ما نموت كده على سهوه
 

ح نشَيِّش أيام ليالينا
 

نبعد عن دنيا مش لينا
 

وكفايه الذكرى تسلينا
 

ونقزقز أفكار تسالينا