دنيا مصالح يا صالح وماتقوليش ..
 

آدي الزجل في الدجل وشغل زيه مفيش ..
 

يهبر ويلهط ويجري تقول بلاش تبكيش ..
 

يقولوا راجل وعاقل وإدعوا يارب يعيش ..
 

******

قالولي سافر يا دنجل في السفر بترول ..
 

دهب وبلاص فلوس بالكوم ولا سويسرول ..
 

عَـبّـِي المخالي والاكياس وخيش بالرول ..
 

أنا رحت ورجعت واخد زمبة الفوت بول ..
 

******

يللي بدَعت السفر الله ينكد عليك
 

شحططت عالم وجريت من كلامهم ليك
 

قلتلنا فيها فوايد تلمها بكريك
 

لا شفنا فايده وعايده ولا حتى قرص بريك
 

******

يا حبيبي إسمع كلامي وامشي جنب الحيط
 

وداري على شمعتك تولع بلاش تنطيط
 

والحيطه ليها ودان وزمَّارين طبط طيط
 

دي المنظره فشخره ما فيها غير السيط
 

******