|
 الايزو
إخوانا
إياهم زَعلّهم قوي إن العرب تبقى
متقدمه ومثقفه وفاهمه وعندها رؤوس
أموال جميله وأنشطة إقتصاديه هايله ..
وطبعاً ح يكونوا قوة كبيره يمكن تخوف
إخوانا إياهم .. يعملوا إيه ..؟ قالك ما
هي كل بلد لما تحب تؤهل أي شركة أو
مؤسسة للعمل لابد أن تتبع معايير على
أساسها تصنف هذه الشركة ..
كويس .. أوكي ..
واخوانا
الغرب .. خللي بالك من الفرق شيلنا
النقطة من على العين حطيناها ع الغين ..
ما
علينا …
هؤلاء
الغرب قالك العرب دول بفلوسهم وعقولهم
ونشاطهم ممكن قوي يبقوا حاجه عالمية ..
وإحنا لازم يكون معانا كل المفاتيح ..
هب .. طلعولنا بالأيزو ..
قالك
إيه كل شركة أو مؤسسة عاوزة تاخد
مشروعات من الغرب لازم تكون حاصلة على
شهادة الأيزو .. طيب وازاي ناخد شهادة
الأيزو دي ..؟
نروح
نتعاقد مع شركة غربية .. قالوا عليها
متخصصة وهذه الشركة تهبر منك هبرة فلوس
حلوه .. وتعمل لك دورات وندوات وحكاية ..
إيشي ح يكتب الإجراءات .. والثاني ح
يراجع .. والثالث ح يفتش .. كله منا فينا
.. وهاتوا نظامكم ونشاطكم وعقولكم ..
وبعد سنه أو تزيد من نزيف المصاريف
والمحاضرات .. والندوات وتصنيف .. وسفر ..
وإقامة في لوكاندات خمس نجوم وأكل حلو
على ناس إسمهم خبراء .. وهما في الواقع
خوابير …
وبعد
ما يسحبوا منك كل تنظيمات الشركة أو
المؤسسة المملوكة لك وتقدم إليهم على
صينية من ذهب عشان يراجعوها .. آل ..
ويقعدوا كما ستة شهور .. وبعد سنة ونصف
والا سنتين .. يروحوا مسلمينك ورقة
صفراء تقول إنك أيزوكي …
وطبعاً
في حفلة كبيرة يحضر فيها واحد من إياهم
يسلمك الورقة .. وياخد ثمنها .. ويفضل كل
ستة شهور يسحب منك فلوس علشان يطمئن إن
النظام إللي وضعته لشركتك عن طريق
الناس إللي بيشتغلوا معاك .. واللي
وضعوا هذا النظام ماشيين مضبوط .. وكمان
تدفعلهم فلوس .. وإلا ما يجددوش معاك
الشهادة إللي بتجدد أحيانا كل ستة شهور
أو كل سنة ..!!!
رزق
الهبــل ع المجـــانين …
هذا
هو بإختصار الآيزو أو الخايزو أو
الخازوق .. يعني إحنا إللي نشتغل .. وهما
يقبضوا .. وعشان إيه السوق العالمي ..
بذمتكم مش ده إسمه سوء عالمي ..؟؟!!
والعرب
المساكين إللي عندهم عقدة الخواجه
بالورقة دي ..
بقوا عالمِّيين .. طب وفين الشغل
..؟؟ هو فيه شغل عند الغرب ح يدوه للعرب
..؟!! دول ما يصدقوا يخلقوا الأزمات
والخناقات بين العرب عشان هما ييجوا
ويحموهم .. آل يحموهم آل ….!!!!!!!
قول يحمّوهم .. حط شده ع الميم ..
يحمُّوهم وينظفوا جيوبهم ..
|
