ح أســرح بيكــم

معلش سامحوني باسرح بيكم أصلي عاوز أتمشى معاكم لمدة خمس سنين كده ع الورق نشوف .. خدنا فيها إيه .. بعد الواد الطيب ما أكل الــُزمبه التمام .. وبدأ يمشى فى طريقه بعد ماقام بصحة وعافية قال يا أبو الكفاح .. والقوة من عندك يارب ..

فين طريقك  فين ...... ؟ 

ماشي ياحبيبي احدده واحده واحده .. لأن السن شويه كبر وعِــز الشباب زي ما بيقولوا .. وهيه دي المرحلة اللي يتحدد فيها المستقبل .. والمستقبل طبعا بيد الله .. لكن ربنا بيقول إسعى ياعبد وأنا أسعى معاك .. أمي الله يرحمها ياما قالت كده ...         

الكرامــــة .... ؟

شيخنا شاعر وفنان وموظف كبير وملهم ويعمل أي حاجه صدقوني وخـلِّف أسـرة جميلـه فيهـا بنت واحده وكلهم رجاله ما شاء الله تبارك الله .. الواد الطيب .. كان حظه طيب .. إتربى مع الشيخ ده عمره كله ومن صغره معاه ...

شيخنا الطيب إتعلمنا منه إيه .. الكرامه ..

وده اللي موديانا ف داهيه .. الكرامه .. وعلى فكره معظم إخوانا المصريين كرامتهم بتوجعهم ...

عندهم حق .. أصل كل العالم بِـيـبُص لهم .. محسودين .. لكن نرجع لموضوع الكرامه ... معلش سامحوني أشـِــت بيكم وأرجع تاني .. الكرامه دي شئ جميــل قوي ولكن ماتنفعش في الزمـان ده .. لكن طيب نعمل إيه ياطيب .. تتخلى عنها ... !! لا لا لا وألف لا .. أهو ده اللي مضيعني ..

المصــــري ...... ؟

أنا مصري وإنت مصري بس عاوزين نبطل فشخره ونقول تاريخ وحضاره لأن العالم كله عارفنا وعشان أريحك إقرا وإتسلى ...

إقلــــب الصفحــــة

 الصفحة السابقه - الفهرس - الصفحة القادمة