أنـا رحــت سوق الدهب لجل أشتري مـوال موال هديـه يكــون أحلى كــــلام إتقال  

لفيـت فى سـوق الـدهب لفيـتـه حاره حاره اســأل بتوع الدهب قـــالولي يــاخساره 

 الـلي إنــت طالبــه عيار غالي مفيش منه ويـــامـا جونـا حبـايـب يـبحـثوا عنه   

زعـقت نــــاديـت ياخلق دِلـــونـي ده فرح قـلبي وأعز أحبــــــابي قصدوني ضحكوا وقالوا ده مـوالك يســــاوي كتير انا قلـت مِـيـت ألـف ادفـع بس دِلــوني

قـالوا يـاريت الفلوس تـنـفع ياريت مـلايين دا شــئ ما يتبـاع ولا لـه ف حيـنا موازين ده كـلام ولازم يكـون مخلوط بشوق وحنين مخـلوط بريحـة هَّنـا بِـتـشــوّق الحـلوين      

مخــلوط بفرحه من قلوب الأهـل والأحبـاب مصبـوب فى قـالب حنـان يـندّق جنب الباب

إحـترت أنــا والعقــل تـــاه وإحتـار أدور لكل العقـول وأجمّـــع الأفكــــار

وفضِـلت أجـرى وأنـادي ياخـلق دلــوني لا الخلق تسعـف ولا أفكــــاري نصفـوني

ورجعت لأحبابي اقـول يا احبـاب أنا لفيت عـلى كل شارع هوى أنـا دُخت واللـه حفيت

وحلفـت لارجع لكم وباللايدين فاضيه وتقبــلوني كـده وإيديه كـده فاضيــــه

وتعالوا نكتب سـوى موالنــا بإدينــــا نهديــــه لأهـل الهـوى ويغنوا حوالينــا