أسألهـــا عن لحظة حب

أسألها عن جــرح ف قلب

أسألها عن ســـر النـار

أسألهـا ليــه أنـا محتـار

أســـألك إنـت وأســأل نفسي واسمــع ردك مـني لنفســي يبــــقى الـرد صداه من صوتك ورنينـه مـن صــوتي وصوتــك

ترجع تسـأل لما بشوفـك

طيـب بـس ح أقولك إيـه

ليه بتقوللي اسـأل روحك

أسأل روحي أقولهـا إيــه

أسألهـا عـــن لحظة حـب

دي اللحظة ف حبـك محسوبه

والثانيـه فى حبـك محســوده

ولا نِــقدر يطوينـا خيــال

والحــلم ما نِـلّقالـُه مجـال

والواقع دايمـا يـئـلـمـنـا

والمكتـوب دايمــا ملازمنـا

وأترجـى ف اللحظــــة تطـوّل وأتمـنى ترجـــــــع م الأول

تعاندني اللحظة وف البعد أشوفك

تسألني .. طيب .. رح أقولك إيه

برضه تقوللــي اسألك روحك

أسـأل روحـي أقولها إيـــه

أسألهـا عن جــرح ف قلب ؟

والجرح منيـش لاقـــي دواه

ولا ويـاك ممكــن ألقـــاه

وف بعـــدك دايمـا بتــألم

وأنـا جنبـك على طـول بتألم

علشـان فى البعـد بتوحشـني

وف قربـك الوقت يكيــدني

نترجـــاه يستـنى شويــه

يجـري ما بسـأل فيك ولا فيه

أضحـك وأصّعَـب عـلى روحـــي وأحــــاول أسكِّـن ف جـروحــي

تعاندني اللحظة وف البعد أشوفك

تسألني .. طيب .. رح أقولك إيه

برضـه تقوللـي اسألك روحك

أسـأل روحــي أقولهـا إيـه

أســـألهـا ليـه أنـا محتـار

وأنـــا عـارف إيه سر الغيره

أسـألــها عــن سر النـار

والنــــار بتشعللهـا الحيره

دي الحيــــرة ف مصيـر الحـــب والحيــــره بيــن قلـب وقلـــب

والحيــرة ويَّـــا المكتـوب

بـــس إزاى رح تهـرب منه

ممكـن تهـــرب م المكتوب ؟

ممكـن تجـــري تِبعد عنـه ؟

شفـت إزاى أنــا بارجع تاني

وأســأل نفســي

شفـت إزاى حبـك خــلاني

باكــلم نفســي

لكـــن ارجع تـاني واعاتبك

وأنـا إيـه ذنــبي !

تضحـــك وتقــوللي مش ح أسأل تاني وألمـح مـن عينـك تســـأل من تـاني

تعانـدني اللحظة وف البعد أشوف

تسألني .. طيب .. رح أقولك إيه

برضه تقوللــي اسألك روحـك

أسـأل روحـي أقولهـا إيــه