لحظـة صمت

نوقف فيها عمليه الإحساس

لحظـة صمت

نسكن فيها كل شئ حساس

لحظـة صمت

نرجع فيها للإفكار

لحظـة صمت

نقرب بيها للإفكار

ونتخاصــم

إذا كان الخصــام يجدد فينا أى حياه

ونتعاتــب

إذا كان العتاب ح يحكي عهد كان وياه

ونتصــارح

يمكن ينـور طريقنا ونحس آخره ومداه

ونتصــالح

عشـان تـدوم المحبة وننسى فيها الآه

وعشـان نعيـش على مبـدأ من الإخـــلاص وبالإخلاص

لازم أصرحك وأقــــــولك

إن فيه تغيـير

لازم تحـــس انــت نفسـك

إن فيه تغيـير

لازم تحســـه بنفســـــك

إن فيه تغيـير

لازم أقـــولك وأكـــــد

إن فيه تغيـير

مستحيــل أدخـل فى قلبــك وارسم اللي يحسه قلبي مستحيــــل أوحـي لاحساسـك وقلبـك يبقى جنـبي

أيــوه عايـزك تبقــى جنــــبي

دي الحقيقــة          .......

ليه ح نهرب من الحقيقـة

لازم إنـــت تحــس بيـــه

واحـس بيك

لازم إنــت تغيــر عليــــه

واغير   عليك

لازم إنــت تخــاف عليـــه

وأخاف عليك

لا زم إنـت تحـب مـني أد قوة حبي ليك لازم إنت تحس بيـه أد إحساسي إليــك

من هنا تبقى الصداقــة

اللي باسمعها على لسانك

من هنا تبقى العــلاقـة

اللي تحكيها بوجـدانك

من هنا يبـقى رسمنـا خط فاصل منه ح نجدد حياتنا من هنا يمكـن ح نلمح أرض صلبه نبني فوقها ذكرياتنا

عشـــان نعيــش بإتفــاق عشـان نعيـــش بالوفـــاق عشان م نحلمــش بفـــراق عشــــان م يحصلـش النـدم  عشـان م نخلقـش العــــدم                

عشــــان ميبقاش الكلام كله كلام عشــان نعيش النور ونبعد م الضلام عشــان نفتـــح وردة الحب بإدينا عشان مانروي شجــرة الحب بعنينـــا

ساعتهــا نكـبر ويكبر حبنا معانـا ساعتها نضحـك ويضحك همسنا معانا ساعتها نجـــري ويجري قلبنا معانا ساعتها نوصـــل ودايمــا ربنـا معانا        

هيه دي اللحظة اللي ح نسميها لحظة صمت هيه دي اللحظة اللي ح تبان فيها لحظة صمت       

صمـت مش نسكت         نفكر فى الكلام صمت مـش نسـكت       نعيش ويَّا الكلام

هيـــه دي اللحظـــة اللي ح تقوينا ح تفيدنا هيــه دي اللحظــة اللي لوسيبناها ح تسيبنا لحظــة فـي الإمكــان تفرقنـــا وتبعدنــا ح نقابلهــا  ...  يانهزمهــــا ياتغلبنــــا