|
|
Sponsors | ||||||||||||||||||||||||
|
وآدي ثلاثـــة ........
شـــــــئ جـــــديد
شئ جديد بيطور التفكير فى كلمه حب أو كلمة غرام شئ جديد بينور القلب اللي عايش كل عمره فى ضلام شئ جديد يخلق مبادئ عن حياه بيعيشها قلبي من كلام
عمرنا ح يضيع ح يبعد وإحنا لسه فى الكلام قلبنـا ح يمل يكـسل وإحنا لسه فى الكلام عقلنا ح يشت بسرح وإحنا لسه فى الكلام
لابد نبعد م الكلام ونعيش حياتنا حلوه مره زي ماتكون والسلام لابد نبعد م الكلام ونقضي وقت سعيد حزين أحسن مانحلم بالكلام يمكن الأحزان تحــدد خط فاصل فى حياتنا يمكن الآلام تسيب بصمـات تجدد من حياتنا يمكن الخوف اللي ماسـك فينا ومتبت إيديه يهدمــه الحب اللي بينـا .. يـدوس عليه
وإحنـا نعيـش تحت شجرة حب في ضل الحنـان لازم نعيـش في حياه تملى قلوبنا بالإيمان
هوه ده الشــئ الجديـد اللـي بنـدور عليــــه هـوه ده اللــون الجديـد اللـى يكمل عمره بيه هــوه ده الأمل الجديـد اللي يصحي الحــــب فيه
الحكايـة مـش حكايـة خـوف ح نقعــد نحكي عنه الحكايـة مـش حكايـة فكر ح نخــاف نجــري منه الحكايـة إن إحنـا لازم نحصـر الأوهام ونبعدها بعيد عنا برضه نسـرح ويا فكـر الحب والأحلام نقربها كتير منـا
ده الخيال فى الحـب يبعـد فكـري عـــن مُــر الحقيقـة والحقيقـة صعبـه دايمـا ليه نعيــش ليـه الحقيقــــة ليـه تفـكـر فـي النهايــة وإحنــا لســـه فـــي البدايـة و الجميل إن إحنا خالقين البدايـــــة والحـلاوه إن القــدر يحكـي النهايـة هــوه ده الشـئ الجديـد اللـي بندور عليــــه هـــــوه ده اللـون الجديـد اللــى يكمل عمـر بيه هــوه ده الأمــل الجديـد اللي يصحي الحـــب فيه
|
|
||||||||||||||||||||||||
|
|||||||||||||||||||||||||
|
|||||||||||||||||||||||||
