لسه خايف ؟

واللي خايف منه إيـه ؟

طب وليـه  ؟

ما انت شايف ؟

من عنيك أو من عنيه !

قلت إيــه  ؟

برضـــه خـــــايف

طـب يـاريت تسـتنى خـايف لمــا دقـة قلبه تنقلهـا الشفايف

لما تعرف إن حبه مش سحابه صيف بيطويها نهـار لمـا تعرف إن قلبه شمعه يضوي نورها فى عز النهار  

لمـا تعرف إنه أصبـح لك لوحدك لما تسمع إن صوتـه يهـز قلبـك يومها تلقى الدنيـا لعبه بين إيديك يومها تلقى الفرح بيداعب عنيك والسعادة م القلوب مش ع الشفايف وأوعـى يومهـا تقــوللي خايف والـــلا برضـه لسه خايف ؟ ؟  

ليـه تخــاف م الحب قوللي .. ليـه تخاف ؟

ياترى بينـك وبينــه فيـــه خـلاف ؟

والخـــلاف ده أصلـه إيـه ؟ ليه ماتتعاتبـوش عليـــــه !       

ليه مـا تسألش حكايتك إيه ياحب ! تحمي قلب .. تبكي قلب .. وتكوي قلب تحمي قـلب .. من عيون حساد عليه تبكي قلب .. والدموع تضحك عليه تكوي قلب بنار تزود حيرته ليه ؟ والسؤال نفس السؤال ياريت له رد والجـواب مليان كــلام وعتاب وصد       

طب ح تعمل إيه ؟   تسيب نفسك لأوهام الخيال ؟ والخيال ده ليـه     دي همسه حب أحلى م الخيال

دي كلمة حب لو تلمــس عنيك وبسمة قلب لــو طالت إيديك تلقى ضحكه حلوه تتمايـل عليـك يومها تلقى الدنيا لعبه بين إيديـك يومهــا تلقى الفرح بيداعب عنيك والسعادة م القلوب مش ع الشفايف وأوعـى يومهـا تقـوللي خـايف         

والـــــلا برضــه لسـه خايف ؟ ؟

نفسـك تعـرف من احساسي معنى الحـب ما انت قابلتـه وشفته فى كل عيون بتحب منك كتبوا كلام فى سطور وحاجات وحاجات عنك عملـــوا الحب حكاية ولا الحكايات

بعد دا كله تقوللي أنا خايف   والخوف رح يعمل لك إيه ياما فى حبك كتبوا صحايف     بعد ده كله ح نكتب إيه

ح تقـــول خايــــف ؟؟

واللــه ما خايـــف غيـر أحباك اللــي قلوبهم جـت عـلى بابـك دقـوا البــاب وإتمنـوا جوابـــك 

إضحك وإضحك وإفتح باب الحب عليك إجـري وإفرح مـلِّي بفرح الدنيا عنيك  

يومها تلقى الدنيـا لعبه بين إيديـــك يومها تلقى الفــرح بيداعب عنيــك والسعـادة م القلوب مش ع الشفايف وأوعـى يومهــا تقوللي خـــايف         

والـــــلا برضـه لسه خايف ؟ ؟