|
|
Sponsors | ||||
|
تقديـــــــم
:
آل تقديـــــم آل
... الواد
الطيب على نياته ... لما فكر يعمل كتابه ...
قال أعمل زي غيري وأعمل مقدمه ... وتقديم ... طيب
ياطيب ح تقدم إيه ... أتكلم عن نفسي ... عن
تاريخي ... تاريخ إيه وإنت طيب ... طيب وماله ... وماله
إزاى ... الطيب بيكلم نفسه ... وزعلان ... لأن
الطيب في الزمان ده ماينفعش ... كنا زمان لما
تقول فلان أفندي طيب ... يعني راجل على خلق
وكويس ومؤدب وإبن حلال وخدوم والكل يحبه ... إنما
ياحسرة .. الطيب الزمان ده ...
أهبــــــــــال ... وعبيــــــــط ... وبتضحك عليه
الناس ... طيب
أعمل إيه ... أغير إسمي ... إزاي ... دي تبقى
مصيبه .. عشان أغير إسمي عاوز ألِـف وأدور
مابين الدهاليز وإعلانات فى الجرايد ..
ومشكلة الجرايد مشكلة ... إيشي معانا ...
وإيشي معارضة واليمين واليسار ... وللأمام
والخلف دُر . شفت
ياطيب بقت مشكلة ... يبقى خليك طيب ... وادخل
في الموضوع من غير مقدمات . عــلى
رأيـــــك ،،، الواد
الطيب
|
|
||||
|
|||||
|
|||||
