قالوا غلطــتـنا .. وإتـعذبنـا

بـس عذابي فى بُعـدك أكـتر

واللي قالوه أنا شِلـتُـه في قلـبي

علشان أبعـد عنــك أكـتر

يمكن أنـــسى

يمكـن تقــسى

واسيب نفسي واروح في طريقي

لا أنا  نسيــت

ولا انت قسيـت

حتى طريقـــك هوه طريقي

بعـد العُمـر ماعَدّى وولّـــى

والباقي فى العمـــر أيــام

راجــع تـاني تقوللي لَـعَـلّ

نِـقـدر نسـرق م  الأحـلام

ياحبيـبي أنا عايـش يـــومي

والضحكـة محسوبـه  عليـه

أمــلي ف حبـك أنسى همومي

واعيــش الأيـام الجايــه

لـو تقبــل هات إيدي في إيدك

نجـرى ويجري العمر ورانــا

لو ترضى أسيب إيــدي  لإيدك

نحـكي ويحكي الكل هوانــا

وأعيـش لحظـة حب حقيــقي وأنا وياك

أنسـى الدُنيـا وأنسى طريقـي لو ألقـاك

مهمـا حاولت أبعِد   أرجعلـك !

وإنت .. مش عارف .. إيه رأيك ؟

لا انـت ح تقـسى

ولا أنـا ح أنسـى

ولا عـارف لطريقنـا نهايــة

طيــب فــكر

يمكـن تِقـــدر

نخلق مـن قصتنـــا بدايـة