وباحايلك علشــان تكتبلي

وانت ياروح قلبي ولا بتسأل ؟

تـتـحجج بالوقـت تملّـي

واللا انت هوايتك كده تِـتّقل

ما تسيبك وإنسى الحكايه دي

وإرسى وإكتبلي ولو كلمــه

إبتـدي واتوكل ع الهـادي

والكلمه ح تـجري ورا الكلمة

وبــلاش التُـقـل ده  وحيـاتك

عوضلي الغُربـه بجواباتـــــك

أقراها وأعيشهـــا بأوقاتـــك

دي حياتي فى الحـب حياتــــك

ماتقولشي أنا خايف أكتبلـك

دي النـاس حواليه يراقبـوني

وأنا قاعد أكتب واحسب  لك

وأشتــكي للأيام دِلُّــوني

هـو صحيح بيفكر فيـــه

وبنفـس الحب بيهــواني ؟

والـلا يقرب كل  شويــه

وأمــا أبعد عنه بينسـاني ؟

من هنــــا باترجاك وحيــاتك

عوضـلي الغُربـه بجواباتــــك

أقراهــا وأعيشهــا بأوقاتــك

دي حيـاتي فى الحـب حياتـــك

طيب .. أنا ح أفضل مستـني

لمـا أشــوف آخرتها معـاك

مش ح اكتبلك إوعى تلومني

لأ مش ح اكتب .. ح استنـاك

مــين عارف يمكن تنسـاني

وتسيبـني للغُلب لوحــدي

وبنـار الحب اللي كــواني

ماهو صبري وده آخر وعـدي

وارجـع أتــرجـاك وحيــاتك

عوضلي الغُربـه بجواباتـــــك

أقراها وأعيشهـــا بأوقاتـــك

دي حيـاتي فى الحـب حياتـــك