كــــــــان وطــــــــني

الواد الطيب .. كان صغير فى الجامعة .. يهتف زي الهتيفه يحيا إتحاد الطلبة ويزقل الطوب .. ويطلع من المدرسة .. ويمشي فى المظاهرات ويتشال على الكتوف ويهتف .
ولمـــا يتعبـــوا اللي شايلينه والــلا البوليس يجري وراهم .. يرموه ع الأرض .. تنكسر ضلوعه .. ما يهمش .. ويجري من خرزانة البوليس ويستخبى بين البواكي فى الزقازيق من الرصاص .. أيوه والله العظيم رصاص بجد .
ماهو البوليس لما كان يزهق من الطلبة يضرب رصاص فى الهوا .. الطلبة كانت زمان ماتخفش .. يقوم يضرب فى المليان ولما يضرب فى المليان .. نجري إحنا .. ونزقل بالطوب تصورا .. الطوب مقابل الرصاص .. ويقع اللي يقع ويقوم اللي يقوم ويموت اللي يموت .
وتاني يوم اللي نعيش فيه نصبح فيه .. أصل كلنا كنا فدائيين فى الحرس الوطني ... الصبح فى المدرسة وبالليل فى الإسماعليه عشان نطرد الإنجليز .
عشان كده الواد الطيب كبر وفيه حتة وطنيه وأصر وألح ان يسمعكم حاجه كتبها زمان وقالها فىحفله سنة ستين .

تعالى تعالى خمسة وطنيه من فضلك

 الصفحة السابقه - الفهرس - الصفحة القادمة