Sponsors

والواد الطيب والغربة والحــب ..

مسكين مايقدرش يعيش من غير الحب .. الحب لكل الناس .. ولأنه بيحب الحب لازم يكتب للحب وفي الحب وبالحب .. القلم أصبح وسيــلة يصـرخ ويزعق بيها .. ويحب فيها وبيها .. ودايما يقول لحظة .. لأن الواد الطيب عايش حياته لحظة ..

مؤمن بأن الحياه لحظة .. فيلسوف عصره وزمانه ..

أبدا والله .. بس بيقول للناس فكروا معايا ..

إحنا النهارده فين وإمبارح فين .. والفرق بين السنين لحظة .. والعمـــر كلـــه لحظـــة ..

والواد الطيب على فكره مش سعيد قوي .. لكن بيحمد ربنا ..

صبــور قوي .. على النـــــاس المستعجلــــة ..

حنـــين قوي .. على الخــــلق اللي شطبت من قـــــاموس

حياتهـــــم كلمــــــة حنيــة ..

غــــــني قوي .. لأنه عمره ما سأل حد حاجه ..

قليــــط قوي .. ما يحبش يلبــــــس أى حاجه ..

قنـــزوح قوي .. ما يحبش ياكــــــل أى حاجه ..

محنـتــف قوي .. يحب كـــــل شــــئ مضبوط ..

عصـــبي قوي .. قدام العمـــــل الغـــير منظم ..