فـي ســـن العشـــرين

الواد الطيب ح يعمل لنفسه تاريخ وح يقسم التاريح حقب .. حلوه حقب دي .. علشان كده داخل عليكم ويسرح و ح يتكلم كلام في سن العشرين 

لما نشوف .. هل كلام معقول واللا مش معقول .
بس خلي بالك .. إقرا ما بين السطور .. هو يقصد إيه .. ما أعرفش .
ماتعرفش إزاي وإنت الل كاتبه ..
ماهو كل واحد ح يقراه يعرف نفسه .
هـو ده السبب اللي قال على جلدة الكتاب كـلام لا تقرأه من فضـلك لأنـه كـلام مفيد أو مش مفيد .. أصـل إحنا صراحـه زهقنـا .
الناس في زحمة الحياه والسرعة والكمبيوتر وإرتفاع الأسعار والأصوات .. بقت عصبيه .. أصبح ماعندهاش وقت تفكر .. يادوب تفطر إيه .. وتتغدى إيه .. وتتعشى إيه .
بالذمة ح يقعد الطيب يديهم مواعظ وحِكم .. هما ناقصين .... علشان كده ..
قلنا تقول لهم أى كلام يقروه وإذا ماعجبهمش يرموه .
أو يبيعوه بالكيلو .. والميزان يطب .

طب إسمع التاريخ وإنت بتاكل بطيخ

 الصفحة السابقه - الفهرس - الصفحة القادمة